സംഗീത സംവിധായകന്‍ ജോണ്‍സണ്‍ മാസ്റ്റര്‍ അന്തരിച്ചു

                   പ്രശസ്ത സംഗീത സംവിധായകന്‍ ജോണ്‍സണ്‍ (58) അന്തരിച്ചു. ചെന്നൈയില്‍ ഹൃദയാഘാതത്തെ തുടര്‍ന്ന് രാത്രി എട്ടരയോടെയായിരുന്നു അന്ത്യം. നെഞ്ചുവേദന അനുഭവപ്പെട്ടതിനെ തുടര്‍ന്ന് പോരൂര്‍ ശ്രീരാമചന്ദ്ര മെഡിക്കല്‍ കോളജിലേക്ക് കൊണ്ടുപോകുംവഴിയാണ് മരണം സംഭവിച്ചത്. ചെന്നൈ കാട്ടുപാക്കത്തെ വസതിയില്‍ വെച്ചാണ് നെഞ്ചുവേദന അനുഭവപ്പെട്ടത്.
                   1970 -കളില്‍ ദേവരാജന്‍ മാസ്റ്ററുടെ അസിസ്ടന്റ്റ് ആയാണ് മലയാള സംഗീതത്തിലേക്ക് ശ്രീ ജോണ്‍സണ്‍ മാസ്റ്റര്‍ വന്നത് .ഭരതന്റ ആരവം എന്ന ചിത്രത്തിലൂടെ പശ്ചാത്തല സംഗീത സംവിധയകകായാണ് അദ്ധേഹം മലയാള സിനിമയില്‍ തുടക്കമിട്ടത് .
                   പൊന്തന്‍ മട (1994) ,സുകൃതം (1995) എന്നി ചിത്രങ്ങളില്‍ പശ്ചാത്തല സംഗീതത്തിനുള്ള നാഷണല്‍ ഫിലിം അവാര്‍ഡും , ഓര്‍മ്മക്കായി (1982), വടക്കുനോക്കിയന്ത്രം , മഴവില്‍കാവടി (1989) അങ്ങനെ ഒരു അവധിക്കാലത്ത്‌ (1999) എന്നി ചിത്രങ്ങളില്‍ സംഗീത സംവിധായകനുള്ള കേരള സംസ്ഥാന ഫിലിം അവാര്‍ഡും , സദയം (1992) and സല്ലാപം (1996) എന്നി ചിത്രങ്ങളില്‍ പശ്ചാത്തല സംഗീതത്തിനുള്ള കേരള സംസ്ഥാന ഫിലിം അവാര്‍ഡും അദ്ധ്യേഹത്തെ തേടിയെത്തി .www.manthrikam.com
                  നമുക്ക് പാര്‍ക്കാന്‍ മുന്തിരി തോപ്പുകള്‍ , ഒരു മിന്നാമിനുങ്ങിന്റെ നുറുങ്ങുവെട്ടം , വടക്കുനോക്കിയന്ത്രം , പെരുംതച്ചന്‍ , അമരം ,മണിചിത്രതാഴ് , ഞാന്‍ ഗന്ധര്‍വന്‍ , പൊന്തന്‍ മട, ഭൂതകണ്ണാടി എന്നി ഹിറ്റുകള്‍ ശ്രീ ജോണ്‍സന്‍ മാസ്റ്ററില്‍ നിന്ന് ഉണ്ടായി . മോഹന്‍ലാല്‍ അഭിനയിച്ച സിബിമലയില്‍ ലോഹിതദാസ് ടീമിന്റെ കിരീടം എന്ന ചിത്രത്തില്‍ കണ്ണീര്‍ പൂവിന്റെ കവിളില്‍ തലോടി ........എന്ന ഗാനത്തിലൂടെ ശ്രീ എം .ജി .ശ്രീകുമാറിന് 1989 -ല്‍ കേരള സംസ്ഥാന ഫിലിം അവാര്‍ഡു അദ്ധ്യേഹത്തിലൂടെ നേടിക്കൊടുത്തു .







ജോണ്‍സണ്‍ സംഗീതത്തെക്കുറിച്ച്  നിങ്ങള്‍ക്ക് ഓര്‍മ്മകള്‍ പങ്കുവയ്ക്കാം , എഴുതു നിങ്ങളുടെ അഭിപ്രായം ..............